பொருந்தாத ஜோதிட விதிகள்- பொங்கும் ஆய்வாளர்கள் :

பொருந்தாத ஜோதிட விதிகள்- 

பொங்கும் ஆய்வாளர்கள் :

-----------------------------------------------------------

ஆயத்த ஆடை தயாரிக்கும் நிறுவனங்கள் 36,38,40,42 அங்குலம் என்ற தர அளவுகளில் ஆடைகள் தயாரித்து விற்பனை செய்கிறார்கள்.செருப்பு தயாரிக்கும் நிறுவனங்கள் 6,7,8,9 அங்குலம் என்ற தர அளவுகளில் செருப்பு தயாரித்து விற்பனை செய்கிறார்கள். இவர்கள் யாரும் எந்த ஒரு தனி மனிதனையும் மனதில் வைத்து பொருள் தயாரிப்பதில்லை. பெரும்பாலானவர்களுக்கு பொருந்தும் வகையில் தயாரிக்கிறார்கள். எனக்கு 40 அளவில் உள்ள சட்டை கொஞ்சம் இருக்கமாக இருக்கிறது, 42 அளவு சட்டை கொஞ்சம் தொய்வாக தொள தொளவென்று இருக்கிறது. ஆனால் 41 அளவில் ஆயத்த ஆடைகள் கிடைப்பதில்லை. இது போல்தான் ஜோதிட விதிகளும். பெரும்பாலானவர்களுக்கு பொருந்தி வருவதைத்தான் விதிகளாக சொல்லியிருகிறார்கள். ஒரு சிலர் எனக்கு பொருந்தவில்லை பொருந்தவில்லை என்று சொல்கிறார்கள். ஓரிரு ஜாதகங்களுக்கு பொருந்த வில்லை என்றால் ஜோதிட விதி தவறு என்ற முடிவுக்கு வராதீர்கள். குறைந்தது ஒரு விதியை 100 ஜாதகங்களில் பொருத்திப்பார்த்து முடிவுக்கு வாருங்கள். தனக்கென்று  தைக்கப்படாத சட்டை போன்றவை தான் ஜோதிட விதிகள்.

ஏன் ஜாதகம் பார்க்க வேண்டும்?

 ஏன் ஜாதகம் பார்க்க வேண்டும்?

✌இரண்டே விஷயம் தான்.

☝ஒன்றாவது விஷயம் :

எது நமக்கு கிடைக்கும்.. எது நமக்கு கிடைக்காது என்று அறிந்து கொள்வது மிகவும் அவசியமானது. ஏனெனில் கிடைக்காத ஒன்றிற்காக நாம் போராட வேண்டியநிலை ஏற்படாது. எது ஜாதக பிரகாரம் கிடைக்காதோ ,அது நிச்சயமாக கிடைக்காது.

ஜாதகம் பார்ப்பவர்களுக்கு உறுதியாக கூறிவிடுவேன் அதாவது இது கிடைக்கும் அல்லது கிடைக்காது என்று.

ஏனெனில் கிடைக்காத ஒன்றிற்காக செய்யும் வீணான முயற்சிகளை விட்டுவிட்டாலே வாழ்க்கை வெற்றியில் சென்றுவிடும். கிடைக்கும் என்ற விடயத்தில் காலம் , நேரம் , சூட்சுமம் ஊடாக அருமையாக அடைய முடியும்.

 சொந்தவீட்டு யோகம் இல்லாத ஒருவருக்கு உங்களிற்கு இந்த யோகம் இல்லை என அறிவுறுத்தியும் அவர் கேட்காது தனது வாழ்க்கையில் தன்னை வறுத்தி பணம் சேர்த்து வீடுவாங்கும் முயற்சியில் ஏமாந்து பணம் இழந்தவர்களை எமக்கு தெரியும்.

 சிலருக்கு நீண்டகால வீட்டுக்கடன் அமைந்து கடனாளி ஆனாலும் நல்ல வீடு அமையும்  . வீடு கட்ட ஆரம்பித்து பாதியில் நிறுத்தி இருந்தவர்கள் உண்டு  இதேபோலவே வெளிநாடு சென்று கடனாளியாக திரும்பியவர்கள் நிறைய உண்டு.

வெளிநாடு செல்லும் யோகம் என்பது வேறு . மற்றும் பணம் சம்பாதிக்கும் யோகம் என்பது வேறு சொந்தமாக வியாபாரத்தில்   கோடி கோடியாய் பணம் சம்பாதிக்க யோகம் என்பது வேறு. தொழில் ஆரம்பித்து கடனாளியாக உள்ளவர்களும் உண்டு இவர்களுக்கு ஜோதிடர்கள் சரியாக வழிகாட்டினாலே , அவர்கள் அதை ஏற்றுக்கொண்டு அதற்கு ஏற்ப தம் வாழ்வை மாற்றியமைத்து உயர முடியும்.

✌இரண்டாவது விஷயம் என்னவெனில்:

 எனக்கு என்ன நடக்க போகின்றது என அறிந்து நம்மை பக்குவப்படுத்தும் நிலை வரும். மற்றும் “எனக்கு ஏன் இப்படி நடந்தது” என்ற கேள்விக்கும் விடை கிடைக்கும்.

இன்னும் ஒரு விஷயம் ,

பரிகாரம் எந்தளவுக்கு வேலை செய்கிறது என்பதனை நிர்ணயிக்க முடியாது. ஆனால் மனம் ஆன்மீக வழி சென்று , பரம்பொருளான இறையருளை பெற்று தரும். அவர் கருணை, அன்பு கிடைக்கும்.

ஜாதகம் உங்கள் நிலையறிந்து உங்களை எவ்வழியிலும் நல்வழிப்படுத்தவே ஜோதிடர்கள் வாயிலாக உங்களுக்கு உரைக்கப்படுகிறது. உங்கள் ஜாதகத்தில் கிரகங்கள் என்ன சொல்கிறது என பார்த்து அதுசார்ந்த முற்பிறப்பு தவறால் இந்த பிறப்பில் தண்டனை அனுபவிக்கின்றீர்கள் என உணர்ந்து செய்த தவறிற்கு பரிகாரம் செய்வதும் இனி நல்ல பாதையில் செல்வது உங்கள் கையிலே.

இதுவே உங்களை இனி காக்கும்... இல்லாவிட்டால் இறைவன் மீதான அதீத அன்பினால் அவரால் உங்கள் பாவங்கள் தீர்க்கப்பட வேண்டும்.

 அவ்வளவு தூயபக்தி இக்கலியுகத்தில் ஏற்படுவது மிக மிக அரிது. ஏற்பட்டாலும் இறைவனின் ஆராதனைகளில் வெற்றி பெற்றால் மட்டுமே அவர் அருள் பரிபூரணமாக கிடைக்கும். ஆகவே இயலுமானவரை தர்மவழியில் , நீதி, நேர்மையுடன் சென்று அகத்தில் இறைவனை இருத்தி உத்தமர்களாக வாழ இந்த ஜோதிட கலையினை உபயோகப்படுத்துவீர்களாக.

ஜோதிட ஆலோசனை:- ஜோதிட ஆலோசனை பெறுவது எப்படி?

 🌺ஜோதிட ஆலோசனை🌺

ஜோதிட ஆலோசனை பெறுவது எப்படி?

---------------------------------------------------------------------------

1. ஜோதிட ஆலோசனை பெற விரும்புபவர்கள் ஜோதிடரை நேரில் சந்தித்து ஆலோசனை பெறுவதே சால சிறந்தது. உங்களுக்கு நேரமில்லை, நேரில் சந்திக்க வாய்ப்பில்லை என்று நீங்கள் நினைக்கும்வரை உங்கள் வாழ்க்கையில் தடைகள் தொடரும். 

2. ஜோதிட ஆலோசனை பெறும்போது தன் சொந்த சோகக் கதைகளை மூச்சு விடாமல் சொல்லி ஜோதிடர் தன் பணியை செய்யவிடாமல் செய்து, ஜோதிடர் பேசுவதற்கு வாய்ப்பளிக்காமல் இருப்பது பெரும் தவறு. உங்களுக்கு உரிய ஆலோசனை அப்பொழுது கிடைக்காது. நவக்கிரகங்கள் உங்களுக்கு நல்வழி காட்ட மாட்டார்கள். 

3. ஜோதிடரை கீழே உட்கார வைத்து விட்டு , நீங்கள் உயரத்தில் உட்கார்ந்து கொண்டு , காலாட்டிக்கொண்டு அதிகார தோரணையில் பலன் கேட்டால் உங்களுக்கு நீங்களே குழி தோண்டிக்கொள்கிறீர்கள் என்று பொருள். இது நவ கிரகங்களையே அவமதிக்கும் செயல்.  

4. ஜோதிட ஆலோசனையின் போது நக்கல், நையாண்டியாக பேசுவது அல்லது மிரட்டுவதுபோல் பேசுவது எல்லாம் ஜோதிடரின் மூலம் நவகிரக சாபத்தை பெறுவதற்கு வழி வகுக்கும். நல்ல மனமும் ,குணமும் உள்ள ஜோதிடர்களிம் இவ்வாறு நடந்துகொள்பவர்களுக்கு நிச்சயம் இது நடக்கும். 

5. ஜோதிட ஆலோசனை கேட்பவர் மௌனமாக அமைதியாக இருந்து ஜோதிடர் சொல்வதை மட்டும் கேட்கவேண்டும். அலட்சிய மன போக்கை தவிர்க்க வேண்டும். ஜோதிடர் ஏதாவது கெடு பலன் சொன்னால் பரிகாரம் ஏதாவது உண்டா என கேட்டுத் தெரிந்துகொள்ளவேண்டும். சண்டைக்குப்போகக்கூடாது. வாக்கு வாதத்தில் ஈடுபடக்கூடாது. 

6. ஜோதிடர் சொன்ன ஆலோசனையில் திருப்தியில்லையென்றால் அல்லது பிடிக்கவில்லையென்றால் அமைதியாக திரும்பி வந்துவிடவேண்டும். 

7. ஒரு ஜோதிடர் சொன்ன விசயங்களை இன்னொரு ஜோதிடரிடம் சொல்லக்கூடாது. ஜோதிடர்களை ஒப்பிட்டு பேசக்கூடாது. இது ஜோதிடருக்குள் வெறுப்புணர்ச்சியை தூண்டும். இதனால் உங்களுக்கு உரிய ஆலோசனையை அவர் வழங்க மாட்டார். 

8. ஜோதிடரிடம் சென்று எனக்கும் ஜோதிடம் தெரியும் , சும்மா நீங்கள் என்ன சொல்கிறீர்கள் என பார்க்க வந்தேன் என்று சொல்லக்கூடாது. இப்படி சொல்வதால், ஜோதிடருக்கு உங்கள் மீது வெறுப்பு உணர்ச்சி தோன்றி எதையும் சரியாக பார்க்க மாட்டார். நவ கிரகங்கள் ஒத்துழைக்க மாட்டார்கள்.

9. தேவை இருந்தால் மட்டும் ஜோதிட ஆலோசனை பெறுங்கள். பொழுது போக்கிற்காக ஜோதிடரை பார்க்காதீர்கள். இது வம்பை விலை கொடுத்து வாங்குவதற்கு சமம். 

10. ஜோதிடர்களுக்கு தட்சிணை வழங்குவது என்பது நீங்கள் அவர்களின் நேரத்தை எவ்வளவு எடுத்துக்கொள்கிறீர்கள் என்பதை பொறுத்தது. ஜோதிடர்களை பிச்சைக்காரர்களாக கருதாதீர்கள். 

11. வா வா என கூவி அழைக்கும் ஜோதிடர்களை தவிர்த்து, சத்தமில்லாமல் செயல்படும் நல்ல ஜோதிடர்களை தேடிப்போய் ஆலோசனை பெறுங்கள். குறிப்பாக உங்களுக்கு தெரிந்த நபர்கள் பரிந்துரை செய்யும் ஜோதிடர்களைப்போய் பாருங்கள். 

12. ஜோதிட ஆலோசனைப் பெறும்போது சொந்தக்காரர்களையோ அல்லது நெருங்கிய நண்பர்களையோ உடன் அழைத்து செல்லாதீர்கள்

ஜோதிடம் உண்மையா ?

 

ஜோதிடம் உண்மையா

ஜோதிடம் என்றால் என்ன?

ஜோதிடம் என்பது கோள்களின் நகர்வுகளை அடிப்படையாகக் கொண்டு எதிர்காலத்தைக் கணிக்க கூடிய ஒரு கலையாகும். உலகின் பல்வேறு பகுதியிலும் வாழும் மக்களில் பெரும்பாலோனோர் வயது, படிப்பு, அறிவு வித்தியாசமின்றி இதனை நம்புகிறார்கள். சோதிடத்துக்கு எவ்விதமான அறிவியல் அடிப்படையும் இல்லை.

கோள்களின் நகர்வுகளை கொண்டு ஒருவர் பிறக்கும் போது என்ன ராசி, நட்சத்திரம், யோகம், லக்னம் ஆகியவை கணிக்கபடுகிறது. இது எல்லா மக்களாலும் ஏற்று கொள்ளப்பட்டுள்ளது.

எதிர்காலத்தில் நடக்க போகும் நிகழ்வுகளை நமது முன்னோர்கள் ஓலைசுவடிகளில் எழுதி வைத்து சென்றுள்ளனர். அவற்றை பின்பற்றி எவ்விதமான தீங்குகளில் இருந்தும் நம்மை காப்பாற்றி கொள்ள முன்னோர்கள் வகுத்து சொன்ன கலையே ஜோதிட கலையாகும்.

ஜோதிடதுக்கும், அன்மீகதுக்கும் மிகுந்த நெருக்கம் உண்டு. நமக்கு வரும் தீங்குகளில் இருந்து நம்மை காப்பாற்றி நல்வழி படுத்தி இறைவனிடம் நம்மை சேர்ப்பதில் ஜோதிடம் பெரிதும் உதவுகிறது என்பதில் எள்ளளவும் ஐயமில்லை.

கோள்களும், வான் வெளியில் அவற்றின் நகர்வுகளும் உலகில் வாழும் எல்லா உயிரினங்கள் மீதும், அவற்றின் செயற்பாடுகளிலும், மற்றும் பலவிதமான இயற்கை நிகழ்வுகளிலும் தாக்கத்தை உண்டாக்குகின்றன என்னும் மைய கருத்தே சோதிட நூலின் அடிப்படையாகும். அவற்றை பின்வரும் விளக்கங்கள் மூலம் விரிவாக பார்க்கலாம்.

தமிழ் மாதங்கள்

பனிரெண்டு தமிழ் மாதங்களை கொண்டது தமிழ் ஜோதிடம். சித்திரை மாதம்தான் முதல் தமிழ் மாதமாக அழைக்கபடுகிறது. இந்த சித்திரை மாதமானது ஆங்கில மாதமான ஏப்ரல் 14ம் தேதி  தொடங்குகிறது. பனிரெண்டு தமிழ் மாதங்களின் பெயர்கள் பின்வருமாறு:

1.       சித்திரை

2.       வைகாசி

3.       ஆணி

4.       ஆடி

5.       ஆவணி

6.       புரட்டாசி

7.       ஐப்பசி

8.       கார்த்திகை

9.       மார்கழி

10.   தை

11.   மாசி

12.   பங்குனி

தமிழ் வருடங்கள்

சித்திரை மாதம் தொடங்கி பங்குனி மாதம் வரை முடியும் ஒவ்வொரு தமிழ் வருடமும் ஒரு பெயரால் அழைக்கப்படும். தமிழ் வருடங்கள் மொத்தம் அறுபது. இதன்படி முதலில் வரும் முதல் வருடத்தின் பெயர் பிரபவ. கடைசி வருடத்தின் பெயர் க்ஷய.  6௦ வருடங்கள் முடிந்தபின் மீண்டும் பிரபவ வருடத்தில் இருந்து சுழற்சி ஆரம்பிக்கும். 6௦ வருடங்களின் பெயர்கள் பின்வருமாறு,

1.       பிரபவ

2.       விபவ

3.       சுக்ல

4.       ப்ரமோத

5.       ப்ரஜோத்பத்தி

6.       ஆங்கிரஸ

7.       ஸ்ரீமுக

8.       பவ

9.       யுவ

10.   தாத்ரு

11.   ஈசுவர

12.   பஹுதான்ய

13.   ப்ரமாதி

14.   விக்ரம

15.   வ்ருஸ

16.   சித்ரபானு

17.   சுபானு

18.   தாரண

19.   பார்த்திவ

20.   வ்யய    

21.   ஸர்வஜித்

22.   ஸர்வதாரி

23.   விரோதி

24.   விக்ருதி

25.   கர

26.   நந்தன

27.   விஜய

28.   ஜய

29.   மன்மத

30.   துர்முகி

31.   ஹேமலம்ப

32.   விளம்பி

33.   விகாரி

34.   ஸார்வரி

35.   ப்லவ

36.   சுபக்ருத

37.   சோபக்ருத்

38.   க்ரோதி

39.   விசுவாவஸு

40.   பராபவ   

41.   ப்லவங்க

42.   கீலக

43.   ஸௌம்ய

44.   ஸாதாரண

45.   விரோதக்ருத்

46.   பரிதாவி

47.   ப்ரமாதீச

48.   ஆனந்த

49.   ராக்ஷஸ

50.   அநல

51.   பிங்கல

52.   காளயுக்த

53.   ஸித்தார்த்த

54.   ரௌத்ர

55.   துர்மதி

56.   துந்துபி

57.   ருத்ரோத்காரி

58.   ரக்தாக்ஷ

59.   குரோதன

60.   க்ஷய

 

ஒன்பது கோள்கள்

தமிழ் ஜோதிடத்தில் மொத்தம் ஒன்பது கோள்கள் குறிப்பிடபடுகின்றன. இந்த ஒன்பது கோள்களை வைத்தே தமிழ் ஜோதிடம் கணிக்கப்படுகிறது.

1. சூரியன்

2. சந்திரன்

3. குரு

4. செவ்வாய்

5. புதன்

6. சுக்ரன்

7. சனி

8. ராகு

9. கேது

மேற்சொன்ன ஒன்பது கிரகங்களையும் நாம் பொதுவாக நவக்கிரகங்கள் என்று அழைக்கிறோம்.

நட்சத்திரங்கள்

நம்முடைய தமிழ் ஜோதிடம் சந்திரனின் சுழற்சியை அடிப்படையாக வைத்தே கணக்கிடப்படுகிறது. ஆனால் வெளிநாடுகளில் சூரியனை மையமாக வைத்து ஜோதிடம் பார்க்கப்படுகிறது. நமது வளி மண்டலத்தில் உள்ள 27 நட்சத்திரங்களை சந்திரன் கடந்து செல்லும் கணக்கை வைத்தே தமிழ் ஜோதிடம் கணிக்கப்படுகின்றது.

ஒவ்வொரு ராசிக்கும் 4 பாதங்கள் உள்ளன. ஒரு மனிதன் பிறக்கும் பொழுது இந்த 27 நட்சத்திரங்களில் உள்ள நான்கு பாதங்களில் எதாவது ஒன்றில் தான் பிறக்கின்றான். அந்த நட்சத்திர பலன்களை காணலாம். அந்த நட்சத்திரங்கள் பின்வருமாறு,

அஸ்வினி

மகம்

மூலம்

பரணி

பூரம்

பூராடம்

கிருத்திகை

உத்திரம்

உத்திராடம்

ரோகினி

ஹஸ்தம்

திருவோணம்

மிருகசிரிஷம்

சித்திரை

அவிட்டம்

திருவாதிரை

சுவாதி

சதயம்

புனர்பூசம்

விசாகம்

பூரட்டாதி

பூசம்

அனுஷம்

உத்திரட்டாதி

ஆயில்யம்

கேட்டை

ரேவதி

ராசிகள்

நாம் பிறந்த நேரத்தை அடிப்படையாக வைத்து ராசிகள் கணிக்கப்படுகின்றன, அந்த ராசிகளின் பொதுவான பலன்களை காணலாம். அந்த நட்சத்திரங்கள் பின்வருமாறு,

1. மேஷம்

2. ரிஷபம்

3. மிதுனம்

4.  கடகம்

5. சிம்மம்

6. கன்னி

7. விருச்சிகம்

8.  துலாம்

9. தனுசு

10. மகரம்

11. கும்பம்

12. மீனம்

மேலே குறிப்பட்ட ராசியில் கிளிக் செய்வதின் மூலம் அந்த ராசியை பற்றி விரிவாக அறிந்து கொள்ளலாம்.

லக்னம்

ஒருவரிடம் உங்களுடைய ராசி எதுவென கேட்டால் எளிதாக சொல்லி விடுவார். ஆனால் லக்னம் என்னவென்று கேட்டல் திணறுவார்கள். ஒரு ஜாதகத்தில் ராசி என்பது உடல் போலதான். ஆனால் லக்னம் என்பது உயிர் போன்றது. ஜாதக கட்டத்தில் ‘ல’ என ஒரு இடத்தில் குறிப்பிட்டு இருப்பார்கள். அதுவே லக்னமாகும்.

ஜோதிடத்தில் மொத்தம் 12 லக்னங்கள் உள்ளன. அவை,

1. மேஷ லக்னம்

2. ரிஷப லக்னம்

3. மிதுன லக்னம்

4. கடக லக்னம்

5. சிம்ம லக்னம்

6. கன்னி லக்னம்

7. விருச்சிக லக்னம்

8.  துலாம் லக்னம்

9. தனுசு லக்னம்

10. மகர லக்னம்

11. கும்ப லக்னம்

12. மீன லக்னம்

மேலே குறிப்பட்ட லக்னங்களில் கிளிக் செய்வதின் மூலம் அந்த லக்னத்தை பற்றி விரிவாக அறிந்து கொள்ளலாம்.

யோகங்கள்

யோகங்கள் மொத்தம் முன்று வகைப்படும். அவை

அமிர்தயோகம்

சித்தயோகம்

மரணயோகம்

பக்ஷங்கள்

சுக்கிலபக்ஷம – வளர்பிறை – அமாவாசை கழித்த மறுநாள் முதல் பௌர்ணமி வரையில் உள்ள 15 நாட்கள் வளர்பிறை

கிருஷ்ணபக்ஷம் – தேய்பிறை – பௌர்ணமி கழித்த மறுநாள் முதல் அமாவாசை வரையில் உள்ள 15 நாட்கள் தேய்பிறை

திதிகள்

1.       பிரதமை

2.       துவிதியை

3.       திரிதியை

4.       சதுர்த்தி

5.       பஞ்சமி

6.       சஷ்டி

7.       சப்தமி

8.       அஷ்டமி

9.       நவமி

10.   தசமி

11.   ஏகாதசி

12.   துவாதசி

13.   திரயோதசி

14.   சதுர்த்தசி

15.   பௌர்ணமி / அமாவாசை

இவற்றில் திவிதியை, திரிதியை, பஞ்சமி, சப்தமி, தசமி, ஏகாதசி, துவாதசி, திரயோதசி இவை எட்டும் வளர்பிறையில் சுப திதிகள்.

தேய்பிறையில் பிரதமை, துவிதியை, திரிதியை, பஞ்சமி இவை நாலும் சுபம் ஆகும். மற்ற திதிகள் அசுப திதிகள் ஆகும்.

 

 

 

ஜோதிடம் என்றால் என்ன?

 

ஜோதிடம் என்றால் என்ன?

ஜோதிடம் என்பது ஜோதிஷம் என்ற வட மொழி சொல்லின் தமிழ் வடிவம். ஜோதிஷம் என்ற சொல்லை ஜோதி + இஷம் என்று பிரிகக்லாம், ஜோதி என்ற வட சொல்லுக்கு தமிழில் ஒளி அல்லது ஒளிக்கதிர் என்று பொருள், இஷம் என்ற வடசொல்லுக்கு இயல் என்று பொருள். ஆக ஜோதிஷம் என்றால் ஒளிக்கதிரியியல் என்று பொருள்.

அதாவது சூரியனிலிருந்து வெளிவரும் கதிர்கள், மற்றும் சந்திரன், செவ்வாய், புதன், குரு சுக்கிரன், சனி, ராகு, கேது ஆகிய கோள்கள் சூரியனிலிருந்து வரும் கதிர்களை வேதி மாற்றங்களுக்கு உட்படுத்தி பிரதிபலிக்கும் கதிர்கள், பூமியில் மனிதர்களை எவ்வாறு கட்டுப்படுத்துகிறது, என்பது குறித்த விஞ்ஞானம் ஆகும்.

இந்த விஞ்ஞான யுகத்தில், கம்ப்யூட்டர் காலத்தில் ஜோதிடம் ஒரு விஞ்ஞானம் என்பதை எப்படி ஏற்றுக்கொள்ளமுடியும்?

இதே கேள்வியை நான் சற்று மாற்றி அமைக்கிறேன். ஜோதிடம் கலையா? விஞ்ஞானமா? அல்லது அஞ்ஞானமா ?

1. ஜோதிடம் கலையா?

ஜோதிடத்தில் நம்பிக்கை உள்ளவர்களும், ஜோதிடத்தை எதிர்ப்பவர்களும் ஜோதிடத்தை கலை என்றுதான் கூறுகிறார்கள். ஆனால் ஜோதிடம் கலை அல்ல.

காரணம், கலை என்பது மெய், வாய், கண்,மூக்கு, காது ஆகிய ஐம்புலன்களால் உணர்ந்து ரசிக்கக் கூடியது.

உதாரணமாக, ஓவியக்கலை, சிற்பக்கலை, நடனக்கலை, இசைக்கலை, நாடகக்கலை, சமையல் கலை என அடுக்கிக் கொண்டே போகலாம். ஆனால் ஜோதிடம் என்பது முழுக்க முழுக்க வானவியல் (Astronomy)-ஐயும், கணிதத்தையும் அடிப்படையாக கொண்டது. எனவே ஜோதிடம் கலை அல்ல.

பிறகு ஏன் காலங்காலமாக இன்று வரை ஜோதிடத்தை கலை என்று கூறி வருகின்றனர் என்ற ஒரு கேள்வி இங்கு எழலாம்.

இன்றைய அறிவியல் பாடங்களாகிய B.Sc (Bachelor of Science) Maths, Physics, Chemistry போனன்றவை சுமார் 40-45 ஆண்டுகளுக்கு முன் B.A (Bachelor of Arts) என்றுதான் வழங்கப்பட்டது. முன்பு கலையாக இருந்தவை இன்று அறிவியலாக ஏற்றுக்கொள்ளப்பட்டது.

ஆனால் அறிவியாலாளர்களும், கல்வியாளர்களும் ஜோதிடத்தை அறிவியலாக அங்கீகரிக்காமல் இருக்கின்றனர்.

இந்தக் கட்டுரையை முழுமையாகப் படித்தால் ஜோதிடம் அறிவியல் என்பதை அனைவரும் ஏற்றுக்கொள்வர் என்பது திண்ணம்.

2. ஜோதிடம் அஞ்ஞானமா? (மூடநம்பிக்கையா? அறிவீனமா?)

நிச்சயமாக ஜோதிடம் மூட நம்பிக்கை இல்லை. தனக்கு முன்னால் ஒரு திரையை வைத்துக் கொண்டு திரைக்கு பின்னால் எதுவுமே இல்லை என்று கூறுவதும், திரைக்கு பின்னால் ஏதேனும் (something) இருக்கலாம் என்ற அடிப்படை சந்தேகம் கூட எழாமல் திரைக்குப் பின்னால் ஒன்றுமே இல்லை என்று சாதிப்பதும், தனக்கு தெரியாத ஒரு பொருளை ( Subject or Concept) பொய், தவறு என்று விமர்சிப்பதுதான் அறிவீனம், மூட நம்பிக்கை, அஞ்ஞானம் ஆகும்.

எப்பொருள் எத்தன்மைத் தாயினும் – அப்பொருள்

மெய்ப்பொருள் காண்ப தறிவு. குறள் - 355

அதாவது ஒரு பொருள் (Subject or Concept) எந்தத் தன்மை உடையதாக இருந்தாலும் அப்பொருளின் உண்மைத்தன்மை, ஆழம் (Reality and Depth) இவற்றை ஆராய்ந்து அறிதலே அறிவு என்பது வள்ளுவர் வாக்கு.

இந்த அடிப்படையில் ஜோதிடத்தின் உண்மைத்தன்மையை ஆராயாமல், அடிப்படை கூட தெரியாமல் ஜோதிடத்தை பொய் என்றும், மூட நம்பிக்கை என்றும் விமர்சிப்பது அறிவீனமே அன்றி அறிவுடமை ஆகாது.

3) ஜோதிடம் விஞ்ஞானமா? (அறிவியலா?)

இல்லை, அறிவியல் என்று தவறாக எழுதி விட்டேன். உண்மையில் ஜோதிடம் ஒரு நுண் அறிவியல் (Micro Science) என்பதே சரி.

ஜோதிடம் விஞ்ஞானம் என்பதையே ஏற்றுக்கொள்ள முடியாது. நீங்களோ ஜோதிடத்தை நுண்விஞ்ஞானம் என்கிறீர்கள்... வேடிக்கையாக இருக்கிறது... எப்படி ஏற்றுக்கொள்ள முடியும்?

இந்த இடத்தில் அறிவியல் என்றால் என்ன? என்பது பற்றி கட்டாயம் தெரிந்து கொள்ள வேண்டும்.

அறிவியல் பற்றி அறிவியல் மேதை ஐன்ஸ்டீன் தனது Out of my later years -ல் கூறியிருப்பது.

Science is the attempt - to make the chaotic diversity of our sense experience - correspond to a logically uniform system of thoughts.

அதாவது ஒரு பொருளை (Subject or Concept) பகுத்து ஆராயும் போது கிடைக்கக்கூடிய பலதரப்பட்ட அனுபவங்களை, குறிப்பிட்ட விதிமுறைகளுக்கு உட்பட்டு ஒழுங்குபடுத்தும் முயற்சியே அறிவியல் ஆகும் என்று குறிப்பிடுகிறார்.

இந்த அடிப்படையில் மனிதர்கள் உடற்கட்டமைப்பில் ஒத்திருந்தாலும் கல்வி, வாழ்க்கைத்தரம், குணாதிசயங்கள், உடலில் ஏற்படும் நோய்... போன்றவற்றில் வேறுபட்டிருக்க காரணம் என்ன? என்பது பற்றி ஜோதிடத்தின் முதல் நூல் ஆசிரியர்களாகிய சித்தர்களும், ஞானிகளும் ஆய்வு செய்த பொழுது கிடைத்த தகவல்களை சில விதிமுறைகளுக்கு உட்பட்டு ஒழுங்குபடுத்தி தந்திருப்பதுதான் ஜோதிடம்.

சரி.... அப்படிஎன்றால் ஜோதிடத்தை அறிவியல் என்றுதானே கூற வேண்டும். நுண்விஞ்ஞானம் என்று கூறுவது எப்படி பொருந்தும்? என்று யாரோ கேட்கிறார்கள்.

அவசரப்பட்டால் எப்படி? பொறுமையாக கட்டுரை முழுவதையும் படித்துவிட்டு உங்கள் சந்தேகங்களை கேளுங்கள். எனக்கு தெரிந்தவரை பதில் தருகிறேன்.

சரி விஷயத்திற்கு வருவோம்.

ஜோதிடம் நுண்விஞ்ஞானம் என்பதற்கு ஒரு ஆதாரம் தருகிறேன்.

ஒரு 100 CC – மோட்டார்சைக்கிள்-நல்ல நிலையில் உள்ளது- ஒன்றில், ஓட்டுவதில் அனுபவமும் திறமையும் உள்ள ஒருவர், ஒரு குறிப்பிட்ட இடத்தில் இருந்து 300 கி.மீ. தொலைவில் உள்ள மற்றோரிடத்திற்க்கு செல்வதாக வைத்துக்கொள்வோம்.

வண்டியின் திறன், பெட்ரோலின் தன்மை, இடையில் ஓய்வு எடுக்கும் நேரம் ஆகியவற்றைக் கணக்கிட்டு மணிக்கு 70 கி.மீ. வேகத்தில் சீராக சென்றால் 5 மணி நேரத்தில் சென்றடைவார் என்று கூறுவது அறிவியல். இதைதான் அறிவியல் மூலம் கூற முடியும்.

ஆனால் இதனிலும் ஒரு படி மேலே போய் துவங்கிய பயணம் தடையின்றி முழுமையடையுமா? இடையில் தடை, தாமதம் ஏற்படுமா? என்பது பற்றியும் தெரிவிப்பது ஜோதிடம்.

எனவேதான் ஜோதிடம் அறிவியலை விட உயர்ந்து நுண் அறிவியலாக பரிணமித்து நிற்கிறது.

ஜோதிடம் மூடநம்பிக்கை, பயனற்றது என்று கூறுபவர்கள் நிச்சயமாக பகுத்தறிவாளர்களாகவோ,அறிவியலாளர்களாகவோ இருக்கமுடியாது. காரணம், இப்பூவுலகில் எந்த ஒரு பொருளையும் (Things (or) Subject (or) Concept) பயனற்றதாக இயற்கை அன்னை படைக்கவில்லை. ஒவ்வொரு பொருளும் ஏதாவதொரு விதத்தில் பயன்படும் என்பதே இயற்கையின் நியதி. உதாரணமாக பாம்பன விஷம்கூட விஷமுறிவுக்காகப் பயன்படுகிறது.

ஒரு பொருளைப்பற்றித் தெரிந்துகொள்லாமலேயே அதைப்பற்றி விமர்சிப்பவர்களை பகுத்தறிவுப் பாமரர்கள் என்றுதான் கூறவேண்டும்.

ஜோதிடம் மூடநம்பிக்கை, எனக்கு அதிலெல்லாம் நம்பிக்கை இல்லை என்று கூறுவது தற்காலத்தில் நாகரீகம் (fasion) ஆகிவிட்டது. உண்மையில் யார்யாரெல்லாம் ஜோதிடத்தை மூடநம்பிக்கை என்று கிண்டல், கேலி செய்கிறார்களோ அவர்கள் அனைவருமே ஜோதிடத்தை கண்மூடித்தனமாக நம்பிக்கொண்டிருக்கிறார்கள், - இது ஊரறிந்த, நாடறிந்த ரகசியம்.

ஜோதிடம் மூடனம்பிக்கை இல்லை, ஜோதிடம் பயனுள்ளது, ஜோதிடம் விஞ்ஞானதைவிட உயர்ந்தது.

பண்டைய கிரேக்கர்களாலும், பபிலோனியர்களாலும், எகிப்தியர்களாலும் கோள்களையும், மனித வாழ்க்கையையும் சம்மந்தப் படுத்தி யூகத்தின் அடிப்படையில் எழுதப்பட்டதுதான் ஜோதிடம்... என்பது வரலாற்று அறிஞர்கள், அறிவியல் அறிஞர்கள் மற்றும் பகுத்தறிவாளர்களின் கருத்து. யூகங்கள் பெரும்பாலும் தவறுவதற்குத்தான் வாய்ப்பு அதிகம். இப்படி இருக்க ஜோதிடம் விஞ்ஞானம் என்பதையே ஏற்றுக்கொள்ள முடியாது. நீங்களோ ஜோதிடத்தை நுண்விஞ்ஞானம் என்கிறீர்கள்... எப்படி ஏற்றுக்கொள்ள முடியும்? பகுத்தறிவுள்ள நாம் சிந்திக்க வேண்டாமா?

எப்பொருள் யார்யார்வாய்க் கேட்பினும் அப்பொருள்

மெய்ப்பொருள் காண்ப தறிவு குறள் – 423

ஒரு பொருளைப்பற்றி யார் கூறியிருந்தாலும், கூறியவர் படித்தவரா? படிக்காதவரா? வறியவரா? செல்வந்தரா? வயதில் அல்லது அனுபவத்தில் பெரியவரா? சிறியவரா? மகானா? பாமரனா? யார் கூறியிருந்தாலும், கூறியவரைப் பற்றி சிந்திக்காமல் கூறப்பட்ட பொருளின் உண்மைத் தண்மையை ஆராய்வதே அறிவுடைமை ஆகும்.

ஜோதிடத்தை எழுதியது பாபிலோனியர்களா? கிரேக்கர்களா? என்பதல்ல பிரச்சனை.

ஜோதிடம் யூகத்தின் அடிப்படையில் எழுதப்பட்டது, யூகங்கள் தவறுவதற்குத்தான் வாய்ப்பு அதிகம், என்று வரலாற்று அறிஞர்கள், அறிவியல் அறிஞர்கள் மற்றும் பகுத்தறிவாளர்களால் கூறப்பட்டதுதான் பிரச்சனை.

ஜோதிடம் யூகத்தின் அடிப்படையில் எழுதப்பட்டது என்பதைவிட, யூகத்தின் அடிப்படையில் ஆய்வு செய்து எழுதப்பட்டது என்பதுதான் மிகச்சரியானது.

விஞ்ஞானம் அல்லது அறிவியலின் அடிப்படையே யூகங்கள்தானே?

யூகம் இல்லாமல் அறிவியல் ஏது? அடுத்தது என்ன செய்யவேண்டும் என்று யூகிக்காமல் எப்படி ஆய்வை மேற்கொண்டு தொடர முடியும்?

அணுவைத்துளைத்து எழுகடல் புகுத்தி குறுக தறித்த குறள் – என்ற ஒளவையாரின் யூகத்தின் விஸ்வரூபம்தானே இன்றைய அணு விஞ்ஞானம்.

இரவையும் ஒளிர வைக்க முடியும் என்ற தாமஸ் ஆல்வா எடிசனின் யூகத்தின் விளைவுதானே இன்றைய மெர்குரி, சோடியம் வேப்பர், நியான் இன்னும் பலவிதமான மின் விளக்குகள்.

தந்திக் கம்பி மூலம் பேசமுடியும் என்ற கிரகாம் பெல்லின் யூகத்தின் அபரிதமான வளர்ச்சிதானே இன்றைய செல்போன்.

இப்படி யூகங்களை அடுக்கிக்கொண்டே போகலாம்.

இன்றைய விஞ்ஞானிகளின் அதிகப் பொருட்செலவில் செய்யப்பட ஆய்வுகள் தோல்வியடைந்திருக்கின்றனவே! எனவே விஞ்ஞானம் என்பது சுத்த ஹம்பக் என்று கூறுவது சரியாகுமா? நியாயம்தான் ஆகுமா?

அதுபோல ஜோதிடத்தை மூடநம்பிக்கை, ஹம்பக் என்று கூறுவது சரியல்ல. நியாயமும் அல்ல.

விஞ்ஞானிகள் யூகித்தால் அது விஞ்ஞானம், பழங்கால முனிவர்களும், சித்தர்களும் யூகித்தால் அது வெறும் யூகம். இது சரியா?

நம் வாழ்க்கையின் போக்கு எவ்வாறு இருக்கும் ? என்பதைப் பற்றி தெரிந்துகொள்ள உதவும் ஜோதிடம்

சோதிடம் மூடநம்பிக்கை என்று சொல்பவர்

- தாங்கள் படித்தவர்கள் என்பதை மற்றவர்கள் நம்ப வேண்டும் என்று நினைப்பவர்கள்.

- நமது பண்பாடு-பாரம்பரியம் தவறு என்று சொல்பவர்கள்.

- நமது மூதாதையர்கள் முட்டாள்கள் என்று சொல்பவர்கள்.

தனக்கு பிரச்னை வரும் நேரங்களில் "ஐயோ தெய்வமே" என்று கும்பிடுவது ஏன்?. அது மட்டும் மூட நம்பிக்கை ஆகாதா?

இறை நம்பிக்கையும் சோதிடமும் கிட்டத்தட்ட ஓன்று தான்.

சும்மா கண்ணை மூடிக்கொண்டு வனம் இருட்டு என்று சொல்லாதீர்கள். சோதிடம் தமிழரின் வாழ்கையுடம் பின்னி பிணைந்த ஓன்று. அவற்றால் நமக்கு நன்மையே தவிர தீமை இல்லை.

பண்டைய தமிழன் பிறப்பு முதல் இறப்பு வரையிலும் சோதிடமும், வான சாஸ்திரமும் போன்றவற்றை பற்பல தருணங்களில் பயன்படுத்தி வந்திருக்கிறான். குழந்தைகளுக்கு பெயர் வைத்தல், படிப்பு, திருமணம், ருது , திருவிழா, காலநிலை, கட்டுமானம், பயணம், பணி போன்ற எல்லா துறைகளிலும் பயன்படுத்தியிருக்கிறான்.

சோதிடம் என்பது வாழ்க்கைக்கு ஒரு ஊன்று கோல் போன்றது, அதை பயன்படுத்தி சென்றால் உங்கள் வாழ்கை பயணம் இனிதாக அமையும்.